RUHAGOYACU.com RUHAGOYACU kuri Youtube RUHAGOYACU kuri Twitter RUHAGOYACU kuri Facebook
Mbabane Thierry Francis
Amakuru ashyushye Yanditswe kuya 25-10-2014 saa 18:01'  -  Inkuru ishushanyije: Ruracyageretse hagati ya Bralirwa na FERWAFA  |  Yanditswe kuya 24-10-2014 saa 23:41'  -  Abanyamakuru ba Siporo batunguye Butoyi k’umunsi we w’Amavuko  |  Yanditswe kuya 23-10-2014 saa 22:00'  -  Ndoli na Regis bamaze kubagwa muri Algeria-Bafite icyizere cyo gukira vuba  |  Yanditswe kuya 23-10-2014 saa 20:39'  -  Umunyamakuru wa Siporo Regis Muramira arashinga urugo na Teta mu mpera z’uyu mwaka  |  Yanditswe kuya 23-10-2014 saa 17:10'  -  Amasezereno ya Tele 10 yo gutera inkunga shampiyona yasubitswe k’umunsi wo kuyasinya
IJISHO RYA RUHAGO: 2012 isize inkuru ki?
Print Comments: 1 Share on Facebook Share on Twitter Text Size

Akabaye icendwe ntikoga. Mu 2012 ikipe z’igihugu U17, U20 ndetse n’inkuru (senior) zasezerewe na none rugikubita. U Rwanda rurangije umwaka ruri ku mwanya wa 134 ku Isi.

Nyuma yo kugaragara mu gikombe cy’Afurika mu 2004, umupira w’amaguru mu Rwanda usa nk’imodoka iparitse mu igaraji yararengewe n’akavumbi. Uhise wese ayikuraho agapiyese (pièce) akikomereza. Ibi biravugisha benshi mu basesenguzi, bamwe bemeza ko umwaka 2012 nawo ubaye impfabusa.

Ijisho Rya Ruhago ryongeye kwitegereza imyifatire y’umupira wacu hashingiwe ku iterambere ry’abakiri bato.

Uwashima ntiyabura gutangirira kuri Lt Gen Caesar Kayizari. Mu 2004, ubwo yayoboraga ishyirahamwe ry’umupira w’amaguru mu Rwanda (FERWAFA), AMAVUBI yitabiriye imikino ya nyuma y’igikombe cy’Afurika. Bwa mbere mu mateka yayo. Inzozi benshi batarose. Gusa ariko, benshi banenze politiki yakoreshejwe yo gukinisha abavamahanga. Bamwe mu bahanga ba ruhago yacu, bemezaga ko mu bana babanyarwanda hashibukamo indi kipe yagera kuri ibi. Cyane ko abo bavamahanga bahanyuze bihitira, banarihitana.

Twashimira kandi Brig.Gen Jean Bosco Kazura. Mu 2011 Ikipe y’ingimbi (U17) yakinnye imikino ya nyuma y’igikombe cy’isi. Ashimangira igitekerezo cy’uko abanyarwanda bateguwe neza, mu bushishozi, ubushake n’intego ntakabuza u Rwanda rwahagararirwa neza mu marushanwa atandukanye. Ku rundi rahande, bamunenze kuzinzika shampiyona, kutagira ikerekezo ku ikipe nkuru y’igihugu no guhuzagurika muri gahunda y’iterambere ry’abakiri bato. Kuri uyu munsi, ibyo byose biracyacumbagira.

Dushimire kandi FIFA. Ibinyujije mu mushinga “FIFA Goal” yiyemeje gutera inkunga FERWAFA mu kuzamura umupira hashingiwe ku bakiri bato. Maze kubufatanye bw’abandi baterankunga hubakwa ibiro bikuru (694,440 USD) bifite ubushobozi bwo kwakira no gutunga abakinnyi , ibibuga (800,000 USD+Muhanga 825,032 USD), hashirwaho n’ishuri ry’abana batarengeje imyaka 17 (400,000 USD). Byose bikorwa kuva mu 2001-2012.

Hakozwe iki mu gushimangira iterambere?

Gusa ikibabaje muri ibyo byose, ni uko FERWAFA itigeze na rimwe igira umurongo ngenderwaho wo kuzamura abakiri bato. Ingaruka zikaba zigaragara buri munsi iyo AMAVUBI (yaba amato cyangwa amakuru) ahamagarwa kwitabira amarushanwa atandukanye. Imyiteguro itwara amafaranga menshi n’igihe kirekire, Kandi ikagarukira ku mazina adahinduka kuva mu myaka itanu ishize. Nta nuwakwizera ko iyo nzira abo bakinnyi banyuze binjira mu MAVUBI, izaduha abandi... ndetse beza kurushaho!

Roger Palmgren watoje u Rwanda 2004-2005 yigeze gushyikiriza inyandiko FERWAFA ikubiyemo igitekerezo yari afite cyo gukusanyiriza hamwe muri “ligue” za “centres de formation” zariho icyo gihe, no gukurirana abakinnyi bakwinjizwa mu makipe y’igihugu y’ingimbi.

Hans Michael Weiß uyu akaba yarabaye “Directeur Technique” ndetse n’umutoza w’abatarengeje imyaka 17 ubwo yakoreraga FERWAFA kuva 2007-2010 yagerageje kuzenguruka u Rwanda atoranya abakinnyi bakiri bato. Intego ye yari ukuzamura abana ku giti cya buri wese, abafite ubuhanga n’ubushobozi buri mwaka.

Kutavuga rumwe na FERWAFA kw’aba bagabo byatumye gahunda zabo zidahabwa agaciro.

Ariko, umwaka wa 2012 urangiye hirya no hino mu gihugu hari kuvuka ibigo birera abakinnyi bakiri bato (académies/ centres de formation) ndetse zimwe zigaragaza ingufu mu mikorere yazo. Twafata urugero nka Sports Empowerment Club (SEC) imaze kugurisha bamwe mu bana bayiganye. Hari na Dream Team Football Academy yashinzwe n’abakinnye ruhago mu Rwanda. Ni nako Abatoza benshi bamaze kubona impamyabushobozi. Ndetse Richard Tardi niwe wagizwe umuyobozi w’ibya tekiniki.

FERWAFA yatereye agati mu ryinyo!

Uyu mwaka urangiye kandi FERWAFA itabashije kumurikira abanyarwanda gahunda y’iterambere ry’abakiri bato. Benshi bakemeza ko iyo gahunda ariyo pfundo rihuza umuterankunga k’uruhande rumwe ndetse n’umupira nyarwanda k’urundi.

Muri uyu mwaka wa 2013, niba FERWAFA ibashije kwiga umushinga unoze, hitezwe impinduka nyinshi. Ku ruhande rwa Shampiyona zombi habaho kuvugurura amategeko no kubaka amakipe ahamye. Ku MAVUBI makuru n’amato hakwitabwaho guhamagara abakinnyi bashoboye kandi bakiri bato. Ndetse hakabaho no guhuriza hamwe muri “ligue” y’abana za “accademies/centres de formation”... Tubitege amaso!

Kurikirana Ijisho Rya Ruhago kuri Facebook: http://www.facebook.com/IjishoRyaRuhago

kamana Manzi Kuya 2-01-2013 saa 14:35'

Ariko abavuga ngo Generali Ceasar Kayizali yateje imbere umupira w’amaguru bumva umupira n’igisilikali bihuriye koko? Ntabwo Imikino ari urugamba. Kuyobora amakipe ya sport ntibisaba uwaciye mu gisilikali ahubwo ni uko abenshi bibwira ko ukoresha ingufu yenda ariwe wasunika ibintu bikihuta, ariko sibyo. Ahubwo ingufu nyinshi zihutaza byinshi, birimo kubura accountability.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe
    Igitekerezo cyawe kigaragara nyuma y'isuzuma rikorwa na RuhagoYacu.com
    Iyo igitekerezo cyawe kitajyanye n’inkuru cyangwa gitandukiriye amahame agenga abasiporitifu kirasibwa.
    Murakoze!

Urutonde rwa shampiyona y’icyiciro cya mbere 2014 - 2015.
Shampiyona igeze ku munsi wa 2
  N∘   Ikipe Imikino Ibitego Amanota
01Police FC266
02Rayon Sports266
03APR FC226
04AS Kigali203
05Amagaju FC203
06Espoir FC203
07Gicumbi FC203
08Musanze FC203
09Sunrise FC203
10Kiyovu sports2-33
11Etincelles FC2-11
12Isonga FC2-51
13Mukura VS2-20
14Marines FC2-30
  N∘   Ikipe Imikino Ibitego Amanota
Urutonde rurambuye