RUHAGOYACU.com

CAN 2017: Cameroun yasezereye Ghana, isanga Misiri ku mukino wa nyuma

Ibitego bya Ngadeu-Ngadjui na Bassogog byaraye bifashije ikipe y’igihugu ya Cameroun kugera ku mukino wa nyuma w’igikombe cya Afurika cya 2017, batsinze Ghana 2-0 muri 1/2.

Hari mu mukino wa kabiri wa 1/2 wabereye mu mujyi wa Franceville, aho Cameroun yatangiye isatira bikomeye ikipe ya Ghana ihusha uburyo butandukanye bwari kuvamo ibitego ku bakinnyi barimo Benjamin Mukandjo na Ndjip-Tambe bagiye bagorwa n’umunyezamu Razak Brimah.

Ghana yihariye iminota ya nyuma y’igice cya mbere ndetse n’iminota ibanza y’ice cya kabiri, yabonye uburyo butandukanye ku bakinnyi barimo Jordan Ayew, Mubarak Wakaso na Daniel Amartey, ariko nabo bagorwa n’umunyezamu Fabrice Ondoa wa Cameroun.

Cameroun yafunguye amazamu ku munota wa 72 w’umukino, ku mupira watewe na Benjamin Mukandjo maze nyuma yo kutumvikana ku munyezamu wa Ghana na myugariro Jonathan Boye, Ngadeu-Ngadjui batindana igitego cya mbere.

Ghana yasatiriye Cameroun bikomeye, ishaka igitego cyo kwishyura, ariko mu minota y’inyongera, kuri contre-attaque ya babiri kuri umwe, Bassogog azamukana umupira yihuta, asiga abakinnyi ba Ghana barimo Harrison Afful, atsinda igitego cya kabiri cyashimagiye intsinzi ya 2-0 no kugera ku mukino wa nyuma kwa Cameroun.

Kuwa Gatandatu, Ghana izahatanira umwanya wa gatatu hamwe na Burkina Faso yatsinzwe na Misiri kuri penaliti 4-3 muri 1/2 nyuma yo kunganya igitego 1-1 kuwa Gatatu mu gihe umukino wa nyuma uzahuza Cameroun na Misiri ku Cyumweru.

Cameroun bamaze kwegukana igikombe cya Afurika inshuro 4 zirimo ebyiri zo mu 2000 na 2002 mu gihe Misiri ifite ibikombe bya Afurika inshuro 7, birimo ibyo iheruka gutwara mu 2006, 2008 na 2010 ndetse mu nshuro ebyiri yahuriye ku mukino wa nyuma na Cameroun yagiye iyitsinda.

Map : Ahabanza  \  CAN 2017

Ibitekerezo byatanzwe kuri iy'inkuru

  1. inumakazungu

    Kuya 4-02-2017 saa 09:45'

    Ariko nk uyu djumatatu aba avuze iki koko!!!yewe abasportifs baragwira....none se Rayon sports uyigereranya na camerouni ute koko?!!ikindi kdi le football CE n east pas LA guerre,...c est le savoir faire,...in technique...naho ngo abo muri rayon baragwa nk abatarya.....haaaa...niwowe se ubagaburira???ariko buriya uba wabuze ibyo wandika??Rayon ni gikundiro, naho wowe nakwita ikiburazina pe,...ndagusabye Rayon ntuzongere no kuyirota ukundi.Qui east loup(lupus) agit a loup....was njiji we y ina some!!!

  2. Moses

    Kuya 3-02-2017 saa 11:19'

    Pôle sana kwa timu y’a ghana

  3. djumatatu

    Kuya 3-02-2017 saa 05:54'

    iyi match yanyeretse ko umupira wo muri africa ari ingufu nokuba umuntu ari munini mugihagararo, apana babandi bomuri rayon baba bameze nkabatarya ukoraho bagahita bagwa.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru