RUHAGOYACU.com

CAN 2017:Bassogog yatowe nk’umukinnyi wahize abandi, Kabananga mu ikipe y’irushanwa


Rutahizamu w’umunya Cameroun, Christian Bassogog yatowe nk’umukinnyi wahize abandi mu gikombe cya Africa cya 2017, cyasojwe kuri iki cyumweru muri Gabon, ikipe y’igihugu ya Cameroon imaze gutsinda Misiri ku mukino wa nyuma, ibitego 2-1.

Uyu musore waje muri iri rushanwa atari mu bakinnyi bazwi cyane, ku buryo yari guhabwa amahirwe yo kwegukana iki gihembo, imbere y’abakinnyi nka Sadio Mane, Aubemayang, Mahrez n’abandi.

Umukinnyi w'irushanwaUmukinnyi w’irushanwa

Uyu musore w’imyaka 21 akinira ikipe ya AaB yo mu gihugu cya Danemark, akaba yarageze muri iyi kipe avuye muri Leta Zunze Ubumwe za Amerika.
Bassogog afite imyaka 19, ni bwo yaje kubonwa n’umugabo w’umunya Amerika, yerekeza muri Carolina y’amajyaruguru, avuye mu cyiciro cya 2 muri Cameroon, mu ikipe yitwa Rainbow FC.

Bassogog yaje atazwi cyane muri iyi CAN ya 2017Bassogog yaje atazwi cyane muri iyi CAN ya 2017

Ntago yahamaze igihe kinini cyane, kuko nyuma y’umwaka umwe aribwo yerekeje muri Danemark.

Uyu musore yavutse mu mwaka w’i 1995, avukira i Douala mu gace kitwa New-Bell Ngangu.

Umuhanda w'aho akomoka wamaze kumwitirirwaUmuhanda w’aho akomoka wamaze kumwitirirwa

Bassogog yaciye mu ishuli ryigisha umupira w’amaguru rya Samuel Eto’o Fils ryitwa Fundesport academy de Douala.

Christian Bassogog, yigaragaje cyane ku mukino wa ½ cy’irangiza, ubwo batsindaga ikipe ya Ghana ibitego 2-0, agatsinda igitego cya 2.

  • Total CAN,umukinnyi w’irushanwa: Christian BASSOGOG (Cameroon)
  • Umukinnyi mwiza wa CAN Total 2017,umukino wa nyuma: Benjamin MOUKANDJO (Cameroon)
  • Igihembo cya Fair Play: Egypt
  • Uwatsinze ibitego byinshi: Junior KABANANGA (DR Congo) – Ibitego 3

Kabananga, ni we mukinnyi watsinze ibitego byinshi muri CANKabananga, ni we mukinnyi watsinze ibitego byinshi muri CAN

Ikipe y’irushanwa

  • Umuzamu: Fabrice ONDOA (Cameroon)
  • Ba Myugariro: Modou Kara MBODJI (Senegal), Ahmed HEGAZY (Egypt), Michael NGADEU (Cameroon)
  • Abakina hagati: Charles KABORE (Burkina Faso), Daniel AMARTEY (Ghana), Bertrand TRAORE (Burkina Faso), Christian ATSU (Ghana), Mohamed SALAH (Egypt)
  • BA Rutahizamu: Christian BASSOGOG (Cameroon), Junior KABANANGA (DR Congo)
Map : Ahabanza  \  CAN 2017

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru