RUHAGOYACU.com

Real Madrid ya Zidane ikomeje kugana habi- Uko batsindanye muri shampiyona z’i Burayi

Nk’uko byagenze mu mwaka ushize, intangiriro z’umwaka wa 2018 na zo zikomeje kuba mbi ku ruhande rw’ikipe ya Real Madrid itozwa na Zinedine Zidane, aho baraye batsinzwe na Villarreal igitego 1-0 bakiriye umukino kuri Santiago Bernabeu.

Pablo Fornals yatsinze igitego kimwe rukumbi cyabonetse muri uyu mukino w’umunsi wa 19 wa shampiyona ya Espagne ku munota wa 87 w’umukino, ni nyuma y’akazi kari gakozwe na Denis Cheryshev wakinannye neza na Enes Unal wateye ishoti rigakurwamo na Keylor Navas mbere y’uko Fornals asubizamo umupira.

Real Madrid yatsinzwe igitego ku munota wa 87 w'umukinoReal Madrid yatsinzwe igitego ku munota wa 87 w’umukino
Zidane yakoze byiza mu minsi ishize, ariko kuri ubu Real Madrid ikomeje kujya ahamanukaZidane yakoze byiza mu minsi ishize, ariko kuri ubu Real Madrid ikomeje kujya ahamanuka

Real Madrid yabonye uburyo bugera kuri makumyabiri bwakabaye bwatanze igitego, ariko bananirwa kububyaza umusaruro.

Iyi kipe iri ku mwanya wa kane n’amanota 32, kuri ubu irarushwa amanota 16 na Barcelone ya mbere, ndetse aya ashobora kwiyongera kuri iki Cyumweru ubwo Barcelone iza kuba ikina na Real Sociedad saa 21:45.

Isco ahanganye n'abakinnyi ba VillarrealIsco ahanganye n’abakinnyi ba Villarreal

Mu mwaka ushize wa 2017, Real Madrid nabwo yatangiye nabi ubwo yari imaze kugeza ku mikino 40 idatsindwa, aho yatakaje imikino ibiri yikurikiranya.

Uyu mwaka ushobora kuba mubi kuri iyi kipe yo mu murwa mukuru wa Espagne nyamara bari babashije kwegukana ibikombe birimo shampiyona y’umwaka ushize na UEFA Champions League ebyiri ziheruka.

Cristiano Ronaldo akomeje kugorwa mu kubona izamu muri uyu mwaka w'imikinoCristiano Ronaldo akomeje kugorwa mu kubona izamu muri uyu mwaka w’imikino
Gareth Bale yahushije uburyo butandukanye mu mukino wabaye kuri uyu wa GatandatuGareth Bale yahushije uburyo butandukanye mu mukino wabaye kuri uyu wa Gatandatu

Cristiano Ronaldo wagiye aheka iyi kipe kuva ayigezemo mu 2009, kuri ubu amaze gutsinda ibitego bine gusa muri shampiyona, ndetse afite ibitego bitatu mu mikino icyenda iheruka.

Imikino yaraye ibaye muri Espagne

  • Girona 6-0 Las Palmas
  • Real Madrid 0-1 Villarreal
  • Eibar 0-1 Atlético de Madrid
  • Deportivo La Corogne 1-2 FC Valence

Urutonde rwa shampiyona ya Espagne

Real Madrid irarushwa amanota 16 na Barcelone- Gusa aya ashobora kwiyongera uyu munsiReal Madrid irarushwa amanota 16 na Barcelone- Gusa aya ashobora kwiyongera uyu munsi

Uko batsindanye ku munsi wa 20 wa Ligue 1 mu Bufaransa

  • Rennes 0-3 Marseille
  • Caen 0-1 Lille
  • Dijon 1-1 Metz
  • Montpellier 0-0 AS Monaco
  • Nice 1-0 Amiens
  • Troyes 0-1 Bordeaux

Uko batsindanye ku munsi wa 18 wa Bundesliga mu Budage

  • Augsburg 1-0 Hambourg SV
  • Werder Breme 1-1 Hoffenheim
  • Eintracht Francfort 1-1 Fribourg
  • Hannover 3-2 Mayence 05
  • Stuttgart 1-0 Hertha Berlin
  • RB Leipzig 3-1 Schalke 04

Premier League.. Reba hano

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. NIMBONA ELYSE BATAZIRA MESSI

    Kuya 14-01-2018 saa 16:10'

    JEWE NDUMUFANAWA BARCELONA.ABAFANABA. REAL.MADRIDE .NIBIHANGANE.IMISIYOSE.SIKUWAMUNGU

  2. Kwiza

    Kuya 14-01-2018 saa 09:54'

    Nibashikame tubasake guhera hasi kugeza ku mutwe. Ntagahora gahanzwe sha ni umwanya wacu Barcelona wo kwerekana ko tugihari kdi dufite imbaraga nyinshi

  3. Kwiza

    Kuya 14-01-2018 saa 09:54'

    Nibashikame tubasake guhera hasi kugeza ku mutwe. Ntagahora gahanzwe sha ni umwanya wacu Barcelona wo kwerekana ko tugihari kdi dufite imbaraga nyinshi

  4. Kwiza

    Kuya 14-01-2018 saa 09:54'

    Nibashikame tubasake guhera hasi kugeza ku mutwe. Ntagahora gahanzwe sha ni umwanya wacu Barcelona wo kwerekana ko tugihari kdi dufite imbaraga nyinshi


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru