RUHAGOYACU.com

Ikipe y’Abakinnyi 11 n’abasimbura bugarijwe n’imvune muri Premier League

Shampiyona y’icyiciro cya mbere mu Bwongereza, Premier League izakomeza mu mpera z’iki cyumweru, aho amakipe azahurira mu munsi wayo wa munani. Abakinnyi batandukanye barimo abakabaye bagenderwaho ntibazakina iyi mikino kubera imvune.

Uhereye kuri Manchester City iyoboye shampiyona, ukagera ku yandi makipe nka Manchester United, Arsenal, Liverpool, Chelsea n’ayandi, buri imwe ifite imvune zitandukanye.

Pogba amaze ukwezi mu mvunePogba amaze ukwezi mu mvune

Dore ikipe y’abakinnyi 11 bari mu mvune bakina muri Premier League

Mu izamu: Tom Heaton

Uyu ni umunyezamu wa Burnley yavunitse urutugu mu kwezi gushize, aho kuri ubu amaze ukwezi hanze ndetse ntarakira.

Ba myugariro: Mendy, Mustafi, Company na Coleman

Ba myugariro Shkodran Mustafi wa Arsenal ushobora kugeza ku byumweru bitandatu ari hanze, Seamus Coleman wa Everton umaze igihe kitari gito avunikiye mu ikipe y’igihugu, Vincent Company na Benjamin Mendy ba Manchester City ni bamwe muri ba myugariro bakomeye muri iyi shampiyona bari mu mvune.

Hagati (wugarira): Pogba na Kante

Paul Pogba wa Manchester United amaze ukwezi hanze y’ikibuga ndetse kugeza ubu nta gihe kizwi azagarukira.

Ngolo Kante wa Chelsea yavunikiye mu ikipe y’igihugu y’u Bufaransa, aho kuri ubu bivugwa ko ashobora kumara auku kwezi ataragaruka mu kibuga.

Hagati (usatira): Mane na Cazorla

Sadio Mane wa Liverpool yavunikiye mu ikipe y’igihugu ya Senegal mu mpera z’icyumweru gishize, aho bivugwa ko ashobora kumara ibyumweru bitandatu hanze.

Cazorla amaze igihe kirekire mu mvuneCazorla amaze igihe kirekire mu mvune
Liverpool igiye kongera kumara igihe idafite ManeLiverpool igiye kongera kumara igihe idafite Mane

Santi Cazorla wa Arsenal amaze umwaka hanze y’ikibuga kuva mu Ukwakira 2016, dore ko na gake yagerageje kugaruka, yahitaga yongera kuvunika. Kugeza ubu igihe uyu mukinnyi azagarukira mu kibuga ntikizwi.


Ba rutahizamu: Morata na Aguero

Sergio Aguero wa Manhester City yakoze impanuka y’imodoka agira ikibazo mu mbavu mu byumweru bibiri bishize, aho kuri ubu yitezwe kugaruka mu kibuga vuba ndetse ashobora gukina umukino wa Stoke City.

Rutahizamu w’ikipe ya Chelsea; Alvaro Moratta na we amaze iminsi mu mvune kuva batsindwa na Manchester City mu byumweru bibiri bishize akava mu kibuga mu gice cya mbere.

Morata aratangira imyitozo muri iki cyumweru, ariko bivugwa ko atazagaragara mu mukino bazahuramo na Crystal Palace.

Amazina menshi akomeye muri Premier League ari mu mvuneAmazina menshi akomeye muri Premier League ari mu mvune

Abasimbura:

Ni abakinnyi benshi bavunitse muri iyi shampiyona, aho uretse aba 11 abandi bari mu mvune barimo; Marcos Rojo wa Manchester United, Danny Rose, Moussa Dembele, Victor Wanyama na Eric Lamela ba Tottenham, Adam Lallana wa Liverpool na Zlatan Ibrahimovic wa Manchester United.

Uko amakipe azahura ku munsi wa 8 wa Premier League

Kuwa Gatandatu

13:30 Liverpool vs Manchester United
16:00 Manchester City vs Stoke City
16:00 Tottenham vs Bournemouth
16:00 Burnley vs West Ham United
16:00 Crystal Palace vs Chelsea
16:00 Swansea City vs Huddersfield
18:30 Watford vs Arsenal

Ku Cyumweru

14:30 Brighton vs Everton
17:00 Southampton vs Newcastle United

Kuwa Mbere

21:00 Leicester City vs West Bromwich Albion

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru